ప్రతి రోజు ‘కిక్’ ఇస్తానంటున్న పవన్ కళ్యాణ్!

పవర్ స్టార్ పవన్ కళ్యాణ్ తాజా మూవీ ‘కాటమరాయుడు’కు సంబంధించిన ‘హ్యాపీ న్యూ ఇయర్ 2017’ స్టిల్స్ అభిమానుల్లో సందడి చేస్తున్నాయి. రోజుకొక పోస్టర్ చొప్పున ప్రతి రోజు సాయంత్రం 6 గంటలకు కొత్త పోస్టర్స్ విడుదల చేయనున్నారు చిత్ర యూనిట్. ఇప్పటికీ రెండు పోస్టర్స్ విడుదల కాగా, ఆ రెండింటిలోనూ పవన్ ఫేస్ కనపడకుండా కేవలం అడుగులు మాత్రమే చూపించారు.

అయితే చివరగా విడుదల చేయబోయే పోస్టర్ లో మాత్రం పవన్ ఫేస్ ను రివీల్ చేయబోతున్నారు. అది డిసెంబర్ 31వ తేదీన విడుదల కానుంది. అదే రోజు రాత్రి సమయంలో ‘నూతన సంవత్సర శుభాకాంక్షలు’ చెప్తూ ఫస్ట్ టీజర్ ను ప్రేక్షకుల ముందుకు తీసుకురాబోతున్నారు. ఇలా నూతన సంవత్సరం వరకు ప్రతి రోజు సరికొత్త పోస్టర్స్ తో అభిమానులకు ‘కిక్’ ఇవ్వనున్నాడు పవర్ స్టార్.