పిక్ టాక్ : “కృష్ణగాడి వీరప్రేమగాధ” అదిరింది!

“భలే భలే మగాడివోయ్” వంటి సూపర్ హిట్ తర్వాత 14 రీల్స్ ఎంటర్టైన్మెంట్ సంస్థలో నాని నటిస్తున్న చిత్రంపై అంచనాలు ఏర్పడ్డాయి. ‘అందాల రాక్షసి’ ఫేం హను రాఘవపూడి దర్శకత్వం వహిస్తున్న ఈ సినిమా ఫస్ట్ లుక్ విడుదలైంది. గన్ తో బెదిరిస్తున్న సందర్భంలో నాని భయపడుతున్నట్లున్న పోస్టర్ వీక్షకులను ఆకట్టుకుంటోంది.

ముఖ్యంగా ఈ పోస్టర్ లో మేజర్ హైలైట్ గా నిలిచింది ఈ సినిమా టైటిల్. గతంలో “జై బాలయ్య” టైటిల్ వినపడడంతో ఈ సినిమా టైటిల్ పై సర్వత్రా ఆసక్తి నెలకొంది. అయితే సస్పెన్స్ కు తెరదించుతూ విడుదల చేసిన “కృష్ణగాడి వీరప్రేమగాధ” టైటిల్ కూడా అదిరింది అంటున్నారు సినీ ప్రేమికులు. పాత సినిమాల టైటిల్స్ మాదిరి వినపడుతున్నా… కాస్త కొత్తగానే అగుపిస్తోంది మరి!