ల్యాండ్ అవడంతోనే మెగా వారసుడు సరికొత్త రికార్డులకు పనిచెప్పాడు. మెగా అభిమానులు ఎంతో ఆసక్తిగా ఎదురుచూసిన “ధృవ” ధియేటిరికల్ ట్రైలర్ అంచనాలను అందుకోవడంతో… టాలీవుడ్ చరిత్రలోనే సరికొత్త రికార్డులకు తెరలేపాడు ఈ మెగా వారసుడు. ఫాస్టెస్ట్ 1 మిలియన్ క్లిక్స్ అందుకున్న ట్రైలర్స్ జాబితాలో “ధృవ” గత రికార్డులను బద్దలు కొడుతూ నెంబర్ 1 స్థానానికి చేరుకుంది.
కేవలం 5 గంటల లోపే 1 మిలియన్ క్లిక్స్ అందుకోవడం సాధారణ విషయమేమీ కాదు. భారీ మార్కెట్ గల బాలీవుడ్ ట్రైలర్లు, టీజర్లకు కూడా ఒక్కోసారి ఇంత స్పందన రాదు. దీంతో “ధృవ” కోసం ఏ స్థాయిలో మెగా అభిమానులు వేచిచూస్తున్నారో ఈ ట్రైలర్ రికార్డులు చెప్పకనే చెప్తోంది. మొదటి 5 గంటల్లోనే 1 మిలియన్ క్లిక్స్ అందుకున్న “ధృవ” ట్రైలర్, 12 గంటలు గడిచే సమయానికి 1.2 మిలియన్ సంఖ్యకు చేరుకుంది.
చూడబోతుంటే… ఈ మెగా వారసుడు బాక్సాఫీస్ రికార్డులకు కూడా పని చెప్పనున్నాడన్న సంకేతాలు స్పష్టమవుతున్నాయి. సునామీలా దూసుకొస్తున్న ‘ధృవ’ ప్రభంజనం, ప్రస్తుత పరిస్థితుల్లో ఎలా కొనసాగుతుందా? అనేది మిక్కిలి ఆసక్తికరంగా మారింది. ఓ పక్కన కరెన్సీ కొరతతో దేశ ప్రజలతో పాటు రెండు తెలుగు రాష్ట్రాలలో కరువు కటకటలాడుతోంది. దీంతో “ధృవ” రిలీజ్ టాలీవుడ్ ఆసక్తిగా ఎదురుచూస్తోంది.
