ఇంట్లో నుంచి పని మీద రోడ్డు మీదకొచ్చిన మనిషి తిరిగి సురక్షితంగా ఇంటికి చేరుతున్నాడా.? మనిషి ప్రాణానికి, ఆయన ప్రయాణానికి సేఫ్టీ ఉందా.? నిత్యం వార్తలలో కనిపించే కొన్ని హృదయవిదారక దృశ్యాలు చూస్తుంటే ఇటువంటి ప్రశ్నలు ఉత్పన్నమవుతున్నాయి.
ఈ రోజు ఉదయం ఒంటిగంటకు టాటా నగర్ నుంచి ఎర్నాకుళం బయలుదేరిన ఎక్సప్రెస్ లో రైలులోని రెండు ఏసీ బోగీలు బి-1, ఎం -2 పూర్తిగా అగ్నికి ఆహుతయ్యాయి. ఈ ప్రమాదంలో ఒకరు సజీవదహనం అవ్వగా మిగిలిన వారు సురక్షితంగా బయటపడినట్టు సమాచారం.
విశాఖ నుంచి బయలుదేరిన ఎర్నాకుళం అనకాపల్లి, యలమంచిలి దగ్గర ఈ ప్రమాదం జరగడంతో వెంటనే ఎలర్ట్ అయినా ఫెయిర్ సిబ్బంది సుమారు 2 గంటలు శ్రమించి ఆ మంటలను ఆర్పీ వేశారు.
ఈ మధ్యకాలంలో అదేదో ట్రెండ్ మాదిరిగా వరుస బస్సు ప్రమాదాలు ఎంతోమందిని సజీవ దహనం చేయగా, మరికొన్ని ప్రమాదాలలో మరెంతోమంది తీవ్ర గాయాలపాలయ్యారు. ఇలా ఈ ప్రమాదాలు, అనుకోని ఘటనలు చాల కుటుంబాలలో తీరని విషాదాన్ని మిగిల్చాయి, ఎందరో తల్లులకు కడుపు కోతను తెచ్చిపెట్టాయి.
ఇక అతి వేగం, మద్యం మత్తులో రోడ్ల మీదకు వచ్చే కొందరు వారి ప్రాణాలతో పాటు ఏ తప్పు చేయని, ఏ పాపం ఎరుగని మరి కొంతమంది అమాయకులను మరణానికి చేరువ చేస్తున్నారు.
ఇక ఈ 2025 లో జరిగిన అతిపెద్ద ఘోర ప్రమాదం అంటే అహ్మదాబాద్ లో జరిగిన ఎయిర్ ఇండియా విమాన క్రాష్ అనే చెప్పాలి. ఈ ప్రమాదంలో 12 మంది సిబ్బంది తో సహా 230 ప్రయాణికులలో ఒక్కరు మాతర్మే ప్రాణాలు బయటపడ్డారు. ఇక ఆ ఎయిర్ ఇండియా విమానం ఒక మెడికల్ హాస్టల్ భవనం పై కుప్పకూలడంతో ఆక్కడ ఉన్న విద్యార్థులలో కొన్తమంది ప్రాణాలు కోల్పోగా మరికొంతమంది గాయలపయ్యారు.
ఇలా ఒక మనిషి ప్రయాణానికి, వారి ప్రాణాలకు అటు కార్లు, బైకులు, బస్సులు, విమానాలు అంటూ ఏ ఒక్క చోట కూడా సేఫ్టీ అనేది లేకుండా పోయింది.
