నూతన సంవత్సరం శుభవేళ బెంగళూరు వీధుల్లో మహిళలపై జరిగిన అకృత్యాలను మరచిపోకముందే, ఐటీ సిటీకి మరింత సిగ్గు చేటును తెస్తున్న మరో వీడియో ఫుటేజ్ బయటకు వచ్చింది. ఓ యువతి నడిచి వెళుతుండగా, ద్విచక్ర వాహనంపై వచ్చిన ఇద్దరు యువకులు ఆమెను చుట్టుముట్టి వేధించారు. ఆదివారం అర్థరాత్రి 2:30 గంటల సమయంలో తూర్పు బెంగళూరులోని కమ్మనహళ్లి 5వ మెయిన్ రోడ్డుపై ఓ ఇంట్లో అమర్చిన సీసీ టీవీ కెమెరాల్లో ఈ దృశ్యాలు నమోదయ్యాయి. ఆటో దిగి తన ఇంటివైపు నడిచి వెళుతున్న యువతిని స్కూటర్ పై వచ్చిన ఇద్దరు వెంబడించారు.
వీరిద్దరిలో ఒకరు ఆమెను గట్టిగా పట్టుకున్నాడు. ఆ యువతి ధైర్యంగా వ్యతిరేకించి అతడి చెంపపై ఒక్కటివ్వగా, ఆగ్రహంతో అతను ఆమెను లాగి కింద పడేసిన దృశ్యాలు కనిపిస్తున్నాయి. యువతి బాధతో ఏడుస్తుంటే, ఆ దారిన పోతున్న వారు చూస్తూ ఆగిపోయారే తప్ప, ఒక్కరైనా ఆమెకు సాయపడేందుకు ముందుకు రాలేదు. బాధలోనూ ఆమె వారిద్దరితో పోరాడింది. చుట్టూ మూగుతున్న జనాల సంఖ్య పెరగడంతో, వారు అమెను గట్టిగా నెట్టేసి తమ వాహనం ఎక్కి పారిపోయారు. ఈ వీడియో మీడియాలో సంచలనం కలిగించగా, పోలీసులు సీసీ కెమెరా ఫుటేజ్ ని పరిశీలిస్తున్నట్టు తెలిపారు.
Look at the accomplices standing at the end of the road. Horrifying how the beasts crawl out under the cover of darkness in #Bengaluru pic.twitter.com/B6pdmKbHiL
— T S Sudhir (@Iamtssudhir) January 4, 2017
