వినాయకుడు పాలు తాగడం… ఆ తర్వాత ఎంతో మంది దేవుళ్ళు కళ్ళు తెరిచి చూడడం… ఇంకెంతో మంది దేవుళ్ళు ఆకారంలో ఆలయ ప్రాంగణాలలో చక్కర్లు కొట్టడం… ఇలా లెక్కకు మించే జరిగాయి. ఇందులో నిజానిజాలు ఎలా ఉన్నా… ఎవరి నమ్మకం వారిని ఆ దిశగా నడిపిస్తుంది. అయితే ఇదంతా ప్రస్తుత సాంకేతిక పరిజ్ఞానాన్ని వినియోగించుకుని, పబ్లిసిటీ కోసం చేస్తున్న స్టంట్ లుగా హేతువాదులు కొట్టిపడేస్తున్నారు.
తాజాగా ఈ జాబితాలోకే మరో మిస్టరీ వచ్చి చేరింది. మెక్సికోలోని ఓ చర్చిలో జీసస్ విగ్రహం కళ్ళు తెరిచి చూడడం వింతగా మారింది. సీసీ టీవీ ఫుటేజ్ లో బయటపడినట్లుగా ఉన్న ఈ వీడియో సోషల్ మీడియాలో వైరల్ గా మారింది. కళ్ళు మూసుకుని ఉన్న విగ్రహం కాస్త కొద్ది సెకన్ల పాటు కళ్ళు తెరిచి చూడడం ఈ వీడియోలో ప్రత్యేకత. అయితే ఇదంతా జీసస్ మహిమ అని కొందరు అంటుంటే… జీసస్ కళ్ళు తెరవడానికి వీడియోను బాగా ఎడిట్ చేసారంటూ కామెంట్లు చేస్తున్నారు.
అది నిజమో కాదో అన్న విషయం నిజంగా ఇద్దరికే తెలియాలి ఒకరికి ఆ జీసస్ కు, రెండవది ఆ వీడియోని సోషల్ మీడియాలోకి పోస్ట్ చేసిన తొలి వ్యక్తికి. దీనిని మహిమ అని కొలిచే వారి కన్నా, ఇదొక ఫేక్ వీడియో అని కుండబద్దలు కొడుతున్న వారి సంఖ్యే సోషల్ మీడియాలో ఎక్కువగా ఉంటోంది. మరి మీరేమంటారు అబ్బాయిలు..!
