నేచురల్ స్టార్ నాని టక్ జగదీష్ జూలై 30 న వస్తారని చాలా పుకార్లు ఉన్నాయి. ఈ వార్తలు అభిమానులలో గందరగోళాన్ని సృష్టించింది. అయితే వదంతులను నమ్మవద్దని…అధికారికంగా రిలీజ్ డేట్ ని ఫైనల్ చెయ్యలేదని నిర్మాతలు తెలిపారు.
టక్ జగదీష్ నిర్మాతలు రిలీజ్ డేట్ పై నిర్ణయం తీసుకోవటానికి ఏపీ ప్రభుత్వం నుండి స్పష్టత కోసం ఎదురు చూస్తున్నారని మాకు చెప్పబడింది. తెలంగాణలోని థియేటర్లు రేపు నుండి 100% ఆక్యుపెన్సీతో తిరిగి తెరవబడతాయి.
తెలంగాణలో అనుకూల పరిస్థితులు ఉన్నప్పటికీ ఏపీలో పరిస్థితులు ఇంకా కుదుటపడలేదు. ఇప్పటికీ తూర్పు మరియు పశ్చిమ గోదావరి జిల్లాల్లో సాయంత్రం మరియు రాత్రి షోలకు అనుమతి లేదు. రాష్ట్రంలోని మిగిలిన జిల్లాల్లో 50% ఆక్యుపెన్సీ ఉంది.
అదే సమయంలో ఆంధ్రప్రదేశ్లో తక్కువ టికెట్ ధరల గురించి కూడా వారు ఆందోళన చెందుతున్నారు. “50% ఆక్యుపెన్సీ మరియు తక్కువ టికెట్ రేట్లు ప్రమాదకరమైన కలయిక. పంపిణీదారులు చాలా ఆందోళన చెందుతున్నారు. అదే ఖాయమైతే కొన్ని ఒప్పందాలపై తిరిగి చర్చలు జరపవలసి ఉంటుంది” అని మనకున్న సమాచారం.
లాక్ డౌన్ సమయంలో టక్ జగదీష్ కు అద్భుతమైన ఓటీటీ ఆఫర్లు వచ్చాయి. కానీ నాని ఈ చిత్రాన్ని థియేటర్లలో మాత్రమే విడుదల చేయడానికి ఆసక్తిగా ఉన్నారు. ప్రస్తుతం ఈ పరిస్థితి ఒక్క టక్ జగదీష్ కే కాదు. అన్ని పెద్ద సినిమాలకు ఇదే పరిస్థితి. కనీసం రేట్లు పెంచకపోతే… సినీ పరిశ్రమ ఇప్పట్లో కోలుకోవడం కష్టమని చిత్ర పరిశ్రమ వర్గాలు అంటున్నాయి.
మరోవైపు… జగన్ ని కలవడానికి చేస్తున్న ప్రయత్నాలు కూడా ఫలించడం లేదని… ముఖ్యమంత్రి కార్యాలయం సినీ పెద్దలకు అప్పాయింట్మెంట్ కూడా ఇవ్వడం లేదని వదంతులు గట్టిగా వినిపిస్తున్నాయి.
