ఒక రకమైన మాస్ మూస సినిమాలు చేసి చేసి బహుశా రామ్ చరణ్ కు కూడా బోర్ కొట్టిందో ఏమో గానీ, ‘ధృవ’ సినిమాతో తనలోని మార్పును ప్రేక్షకులకు స్పష్టంగా తెలిపాడు. అయితే ఆ మార్పు ఒక్క సినిమాతోనే పరిమితం కాలేదని, తదుపరి సినిమాలలో కూడా కొనసాగుతుందన్న సంకేతాలను, సుకుమార్ దర్శకత్వంలో తెరకెక్కించబోయే సినిమా ప్రీ లుక్ పోస్టర్ చెప్పకనే చెప్తోంది.
సుకుమార్ అంటేనే క్రియేటివిటీకి పర్యాయపదం. అలాంటి సుకుమార్ పూర్తి స్థాయి గ్రామీణ వాతావరణం నేపధ్యంలో రామ్ చరణ్ హీరోగా పెట్టుకుని సినిమా చేస్తే… ఇదిగో ఈ పోస్టర్ లాగానే ఉంటుంది. లుంగీ ఎత్తి కట్టి కడవ పట్టుకుని బిందెలతో నీళ్ళు తెస్తున్నట్లుగా ఉన్న ఈ పోస్టర్ మెగా ఫ్యాన్స్ కు కావలసినంత కిక్ నిస్తోంది. లాంచనంగా నేడు ప్రారంభమైన ఈ సినిమాలో రామ్ చరణ్ సరసన సమంత హీరోయిన్ గా నటిస్తోంది.
‘శ్రీమంతుడు, జనతా గ్యారేజ్’ వంటి బ్లాక్ బస్టర్ సినిమాల హ్యాట్రిక్ చిత్రంగా మైత్రీ మూవీ మేకర్స్ ఈ సినిమాను అత్యంత ప్రతిష్టాత్మకంగా నిర్మించనుంది. సుకుమార్ టీం అంతా మళ్ళీ ఈ సినిమా కోసం ఒక్కటయ్యారు. దేవిశ్రీప్రసాద్ సంగీతం అందిస్తుండగా, రత్నవేలు ఫోటోగ్రఫీ బాధ్యతలను నిర్వహిస్తున్నారు. శరవేగంగా షూటింగ్ పూర్తి చేసుకుని ఈ ఏడాది దసరా కానుకగా సినిమాను విడుదల చేయాలని చిత్ర యూనిట్ భావిస్తోంది.
Win Rs.1000 Paytm for closest guess of @NameisNani 's #NenuLocal USA Premiere Collections ends by Thur 7pm IST#M9NewsWin1000 3rd contest pic.twitter.com/PcsmdS09lQ
— M9News (@M9News) 31 January 2017
