నా మూవీ సెట్స్ లో ‘నో’ లవ్!

సినిమా షూటింగ్ సమయంలో నటీనటులకు నిబంధనలు పెట్టే బాలీవుడ్‌ కు చెందిన ప్రముఖ దర్శక నిర్మాత అనురాగ్ కశ్యప్ తాజాగా ఓ ఆసక్తికరమైన విషయాన్ని వెల్లడించాడు. తన సినిమా షూటింగ్ సెట్లో నటీనటులు ఎవరూ ప్రేమలో పడకూడదనే నిబంధన ఉండేదని, అయితే తొలిసారి దానిని తానే ఉల్లంఘించినట్టు పేర్కొన్నాడు. ‘జియో మామి ఫిల్మ్ ఫెస్టివల్’ 19వ ఎడిషన్ మూవీ మేళాలో పాల్గొన్న అనురాగ్, ఈ ఆసక్తికరమైన వ్యాఖ్యలకు తెరలేపారు.

2009లో ‘దేవ్ డి’ సినిమా చిత్రీకరణ సమయంలో ఈ నిబంధన విధించానని, అయితే విచిత్రంగా ఇదే సినిమాలో ఆ రూల్‌ ను స్వయంగా తానే ఉల్లంఘించానని, ఈ సినిమాలో చంద్రముఖిగా నటించిన నటి కల్కి కోయెచిన్‌తో ప్రేమలో పడినట్టు వివరించారు. రెండేళ్ల పాటు ప్రేమలో మునిగి తేలిన వీరిద్దరూ 2011లో వివాహం చేసుకోగా, వీరి వివాహం ఎక్కువ కాలం కొనసాగకపోవడంతో, 2015లో చట్ట రీత్యా విడాకులు తీసుకున్నారు.