జనసేన అధినేత పవన్ కళ్యాణ్ రెండేళ్ళ గ్యాప్ తరువాత తిరిగి సినిమాల్లోకి ఎంటర్ అవుతున్న సంగతి తెలిసిందే. ఆయన తన కమ్ బ్యాక్ ఫిలిం, పింక్ రీమేక్ షూటింగ్ ముగింపుకు చేరుకుంది. అలాగే క్రిష్ జాగర్లమూడి దర్శకత్వంలో మరో సినిమా మొన్న ఆ మధ్యనే సెట్స్ మీదకు వెళ్ళింది.
ఇది ఒక పీరియడ్ సినిమా అని అంటున్నారు. పవన్ కళ్యాణ్ ఒక పీరియడ్ సినిమా చెయ్యడం ఇదే మొదటి సారి. లాక్ డౌన్ కారణంగా ఈ సినిమా షూటింగ్ బాగా లేట్ అయ్యే అవకాశం ఉంది. గతంలో సంక్రాంతికి ఈ సినిమా విడుదల చెయ్యాలని ఆలోచన చేశారు. తాజాగా 2021 వేసవికి విడుదల చెయ్యాలని ఆలోచన చేస్తున్నారు.
కరోనా పరిస్థితులు చక్కబడకపోతే ఇంకా ఆలస్యం అయ్యే అవకాశాలు కూడా ఉన్నాయని అంటున్నారు. ఈ సినిమా కోసం ఇద్దరు బాలీవుడ్ నటులు… జాక్వెలిన్ ఫెర్నాండేజ్ ఒక హీరోయిన్ గా, అర్జున్ రాంపాల్ విలన్ గా ఫైనల్ అయినట్టు సమాచారం. పవన్ కళ్యాణ్ కి ఇప్పటివరకూ బాలీవుడ్ మార్కెట్ లేదు.
ప్రత్యేకించి ఇద్దరు బాలీవుడ్ నటులను తీసుకుంటున్నారు అంటే ఈ సినిమా ను పాన్-ఇండియా లెవెల్ లో విడుదల చేసే అవకాశం ఉన్నట్టు తెలుస్తుంది. పీరియడ్ సినిమాలకు భాషా బేధాలు ఉండవు అనే అంచనా కావొచ్చు. అయితే మొన్న ఈ మధ్య చిరంజీవి సైరాతో అటువంటి ప్రయత్నమే చేసి దెబ్బ తిన్నారు. కాబట్టి ఈ విషయంలో పవన్ కళ్యాణ్ ఒకింత జాగ్రత్త గా ఉండాల్సి ఉంది.
