కొద్ది రోజుల క్రితం మెగా పవర్ స్టార్ రామ్ చరణ్ తన తదుపరి చిత్రంకోసం సంచలనాత్మక దర్శకుడు శంకర్ తో పని చెయ్యనున్నట్టు ప్రకటించారు. సీనియర్ నిర్మాత దిల్ రాజు ఆ చిత్రానికి నిర్మాత. దిల్ రాజు శ్రీ వెంకటేశ్వర క్రియేషన్స్ బ్యానర్‌పై ఇది యాభైవ చిత్రం. శంకర్ ప్రస్తుతం స్క్రిప్ట్ యొక్క తుది డ్రాఫ్ట్ ను ఖరారు చేయడంలో బిజీగా ఉన్నారు.
కియారా అద్వానీని ఈ చిత్ర కథానాయిక గా తీసుకోవడానికి శంకర్ ఆసక్తి చూపుతున్నట్లు నివేదికలు ఉన్నాయి. ఈ నటి గతంలో వినయ విధేయ రామ చిత్రంలో రామ్ చరణ్ తో రొమాన్స్ చేసింది. మహేష్ బాబుతో కలిసి ఆమె భరత్ అనే నేను కూడా చేసింది. వినయ విధేయ రామ టాలీవుడ్ లో ఆమె చివరి చిత్రం. తరువాత ఆమె బాలీవుడ్లో బిజీగా మారింది.
ఒకరకంగా టాలీవుడ్ ఇన్నింగ్స్ చరణ్ సినిమాతో ముగించిన ఆమె… మళ్ళీ ఇంకో ఇన్నింగ్స్ చరణ్ సినిమాతోనే మొదలుపెట్టబోతుంది. ఆమె తెలుగు, హిందీ ప్రేక్షకులతో సుపరిచితమైన ముఖం కాబట్టి, శంకర్ మరియు దిల్ రాజు ఆమెను ఈ సినిమా కోసం తీసుకోవాలని కోరుకుంటారు.
ఈ ప్రాజెక్ట్ కోసం శంకర్ రామ్ చరణ్ తో పొలిటికల్ థ్రిల్లర్ చెయ్యడానికి ప్లాన్ చేస్తున్నారని సమాచారం. ఈ ప్రాజెక్టుకు సంబంధించిన మరిన్ని వివరాలు త్వరలో వెల్లడి కానున్నాయి. ఆర్ఆర్ఆర్ తరువాత రామ్ చరణ్ చెయ్యబోయే మరో పాన్ – ఇండియా ప్రాజెక్ట్ ఇది. భారీ స్థాయిలో నిర్మించడానికి దిల్ రాజు, శంకర్లు ప్లాన్ చేస్తున్నారు.
