తెలుగుదేశం పార్టీనే టార్గెట్ చేసుకున్న జనసేన అధినేత పవన్ కళ్యాణ్ మరోమారు సంచలన వ్యాఖ్యలకు తెరలేపారు. తన అభిమానులు చేసిన రాద్ధాంతాన్ని సమర్ధిస్తూ పరోక్షంగా నందమూరి నటసింహం బాలకృష్ణపై వ్యాఖ్యలు చేసారు. ఇటీవల జరిగిన ఓ ర్యాలీలో పవన్ అభిమానులు బైక్ సైలెన్సర్లు తీసి శబ్ద కాలుష్యంతో వీరంగం సృష్టించారు.
[m9ad]
దీన్ని సీరియస్ గా పరిగణించిన పోలీసులు వారిపై కేసు నమోదు చేయగా, తాజాగా ఆ ఉదంతాన్ని ప్రస్తావిస్తూ అభిమానులు చేసిన దాంట్లో తప్పేముందన్నట్లుగా వ్యాఖ్యానించారు. అంతేకాక జనసైనికుల సంస్కారం చాలా గొప్పదని వాటిని మరింత సమర్ధించే ప్రయత్నం చేసారు పవన్. భీమవరంలో ఆక్వా రైతులతో జరిగిన సమావేశంలో ఈ వ్యాఖ్యలు చేసారు.
ఇంట్లో తుపాకీతో కాల్చిన వారు ఇప్పుడు బయట తిరుగుతున్నారని, వాళ్ళని పోలీసులు పట్టించుకోవడం లేదని, పరోక్షంగా నాటి బాలకృష్ణ – బెల్లంకొండల అంశాన్ని ప్రస్తావించారు పవన్. నేరుగా ఈ విషయాన్ని ప్రస్తావించే ధైర్యం చేయలేదు గానీ, దీనిపై టిడిపి వర్గాలు మాత్రం పవన్ పై మండిపడుతున్నాయి.
